Friday, April 23, 2010

සමුගනිමි


මැයි පළමුවෙනිද ඉඳන් මම අළුත් කාර්යාලයකට යනවා.ඉතින් මම මේ තරම් දවසක් කවියක් ලීවෙ බ්ලොග් එකේ මොනවහරි සටහනක් දැම්මෙ මගේ මේ පැය අටේ නවාතැන්පළේදි.ළබැඳි අය වගේම උඩින් මිතුරු යටින් හතුරු අය ඕනැ තරම් හිටියත් දාල යන්න බැරි මොකක්දෝ හැඟීමක් හිතයට දැනෙනව.ඒත් ඉතින් යන්නම වෙනවනේ.ගෙදරදි මට මොනවත් ලියන්න ඉඩක් නැහැ. හැඟීම් මැරිච්ච ගානයි ගෙදරදි.පැටවු දෙන්න ලගදි නම් හිත පිරිල තමයි.මම මෙතෙක් කල් ඔයාලගෙ බ්ලොග් කියෙව්ව.රස වින්ද.ගොඩක් වෙලාවට හිතට දුකක් දැනුනම මම කලේ සින්ඩියට එන එක.ආටෙයමත් අළුත් කාර්යාලෙ හුරු උනාම ක ඳුළු බිංදුවක් වැටෙන වෙලාවක මම කවි පදයක් අමුනන්නම්.එතෙක් මගේ යාළුවනේ ඔයාලට සුබ අනාගතයක්!

සිහින තරුකැට බිඳී විසිරී මලාණික සඳ එළිය ගලනා
අඳුරු අහසේ හුදකලා වී උඩු සුළඟ හා හැපී බදනා
සොයා ගිය හවු හරණ මිරිඟුව විලස ඈතින් ඈත ඇදුනා
සවිය ගිලිහුන යුග පියාපත් දරාගනු බැරි ලෙසින් රිදුනා.

කැදැල්ලේ තිබු සතුට සැනසුම බි‍ෙඳ න් බිඳ සි‍ෙඳනා පැයේ
කඳුළු බිඳුවක් තුළට ගොනුකර වේදනා දුක් මගෙ ළයේ
ඔබට කීවෙමි සැමට රහසින් හෙලිවෙතැයි සිටියත් බියේ
ඔබේ වදනින් ළබැ ඳි ඇසුරින් සැනසුමක් අද ම‍ට තියේ

නවාතැන්පළ වෙනස් වී ඇත හිඳීන්නට නොහැකිය නොයා
නෙතින් වට කඳුළකින් සමුගමි කඳුළු බිඳුවට තිත තියා
හද ගැබේ එක් කොනක විසිතුරු සිහිනයකි ඔබ පෑ දයා
ඉසුඹුවක් ලද මතු දිනක මම නැවත එන්නෙමි ඔබ සොයා......

Wednesday, April 14, 2010

මගේ අවුරුද්ද

එරබදු මලින් පිරි අතු සුළගට පැද්දේ
කරගෙට නගති කෙවිලිය කොවුලිඳු සද්දේ
වාරම් නැතත් ඔන්චිල්ල‍ාවන් පැද්දේ
පුහුලන් කන්න වවුලන් පොරකති බැද්දේ

අවුරුදු සිරිය දැක මගෙ හිත මල් පිපුණා
කැවුමක කොණ්ඩයක් ගන්නට මට හිතුනා
තෙල් හැඳි ඉරටු සැනෙකින් මා අත රැදුනා
කැවුමක් නොවේ රොටියක් තෙල් මැද තිබුණා

නැන්දම්මාගෙ මුහුණේ පිරි උපහාසේ
ඊටත් වැඩියි හිමි මට කල අපහාසේ
කැවුමක් කන්න නිදිගැට හැර සිටි දෑසේ
පොඩි පුතු මගේ ලිප ළග හිඳ උපවාසේ

දවසට පැය අටක් සෙස්වාවෙහි යෙදුන
හවසට පණ අඩක් අරගෙන ගෙට වැදුන
අවසන මැදියමේ නුඹගේ ලග රැ‍ඳුන
මව නම් නොමැත පුතුනේ පිසුමෙහි නිපුණ

බිත්තර බටර් පිටි වැනිලා එක බඳු‍ෙන්
පදමට පදම් කර උඳු‍ෙන් මැද දැවුනේ
ලස්සන සීනි මල් කොළ ඒ මත රැඳු‍ෙන්
දන්නේ මෙච්චරයි කාපන් මගෙ පුතුනේ

නැන්දම්මගෙ අතින් බැදුනා කොණ්ඩ කැවුම්
මා හැදු කේක් ගෙඩියේ මල් රටා සියුම්
පොඩි පුතු ගසයි සතුටින් අප වටේ රවුම්
සමගිය සමග ලැබු අවුරුදු සතුට නැවුම්.

Tuesday, April 6, 2010

සැනසුම


පාළුවෙන් පිරුණ - සුසුම රජ කෙරුන
කැදැල්ලට නැවත - වසත් කල පැමිණ

මල් සුවඳ ගලයි - සිනා හඬ ඇසෙයි
පොඩි දෝණි හඬයි - එයත් ලස්සනයි

අම්මෝ චාච්චෝ - විටෙක කෑ ගසයි
අයියෝ ආච්චෝ - අමුතු බස් ගොඩයි

විටෙක වී උරණ - බිම වැටී හඬන
ඇසිල්ලෙන් නැගිට - සිනාසෙන අරුම

රැගෙන පිය උරුම - ගෙනා තරු දෙනෙත
අතීතෙක මතක -උපදවයි මහද

තරු දෑස විදා -තුටින් හිනැහෙන්න
හැමදාම දුවේ - සුවෙන් ඔබ ඉන්න

නිවී ගිය සෙනේ - පහන් දල්වන්න
කැදැල්ලට සදා - සතුට ගෙන එන්න